Lawas Sumbawa

Kumpulan lawas Lanis Samawa

Lawas Badenung :

• Pasuk padenung leng sideng
  Layang layar untung suci
  Tiup leng angin no gier
  
• No gier sosong rasate
  Ta ku datang tutit untung
  Padenung no poka lusit
  
• Nopoka lusit padenung
  sia datang tutit untung
  Tutu sia tu tutu leng
  
• Ka tutu leng tu bajangi
  tu layar untung bagian
  Neja untung pedi kita
  
• Untung sudi dalam reda
  Tingi paruak tu tengke
  Maris untung tu gamana
  
• Nutusi untung tu kaka
  Marismo bakeal jangi
  Nyawa lalo nan panyeka
  
  

 Lawas Bakatoan :

• Salam doa kamo napat
  Kami datang bentan jangi
  Lema maris tu batungku
  
• Nosoda sama tu sukur
  Barete untung kesempu
  jangi rengang tu rapat mo
  
• Lamen tutu saling pendi
  mara tima ketong tali
  kalembu tu saling gayong
  
• Patis pana mo andi e
  Ta kudatang tutit untung
  Sai to ada si jangi
  
• Peno dengan ku bajangi
  Nongka ku beang leng manis
  Untung ku asa pang sia
  
• Bua kuasa mo sia
  Sai long dua mubalong
  No patit pang nyampe bola
   
• Parana long kayu jawa
  Na beang rabewe peno
  Tu rip badua bae si

share this article to: Facebook Twitter Google+ Linkedin Technorati Digg

Posted by Unknown, Published at 23.35 and have 0 komentar